റെനോയുടെ തുറുപ്പ്ചീട്ടാകാന്‍ കൈഗര്‍

ഇന്ത്യന്‍ വിപണിയെ സംബന്ധിച്ച് അതിവേഗം വളരുന്ന ശ്രേണിയാണ് കോംപാക്ട് എസ്‌യുവികളുടേത്. മാത്രമല്ല ഇന്ന് ഏറ്റവും ജനപ്രിയമായ സെഗ്മെന്റുകളില്‍ ഒന്നായി മാറുകയും ചെയ്തു.

ഈ ശ്രേണിയിലെ ഏറ്റവും പുതിയ അവതാരമാണ് ഫ്രഞ്ച് കുടുംബത്തില്‍ നിന്നുള്ള കൈഗര്‍. പ്രാരംഭ പതിപ്പിന് 5.45 ലക്ഷം രൂപയും ഉയര്‍ന്ന പതിപ്പായ RXZ-X-ട്രോണിക് സിവിടി പതിപ്പിന് 9.55 ലക്ഷം രൂപയുമാണ് എക്‌സ്‌ഷോറൂം വില.

കോംപാക്ട് എസ്‌യുവിക്കായുള്ള ബുക്കിംഗ് ഇന്ത്യയിലുടനീളം കമ്പനി ആരംഭിക്കുകയും ചെയ്തു. 11,000 രൂപയാണ് ബുക്കിംഗ് തുകയായി സ്വീകരിക്കുന്നത്. ഒരു ദിസത്തേയ്ക്ക് വാഹനം ഓടിക്കുകയും അതില്‍ നിന്ന് ലഭിച്ച അനുഭവങ്ങളുമാണ് ഇവിടെ പങ്കുവെയ്ക്കുന്നത്.