വാഹന വ്യവസായ രംഗത്ത് രണ്ട് വർഷം പൂർത്തിയാക്കി ഏഥർ എനർജി

2018 ജൂണിൽ ബാംഗ്ലൂരിൽ ആരംഭിച്ച ഏഥർ എനർജി വാഹന വ്യവസായ രംഗത്ത് രണ്ട് വർഷം പൂർത്തിയാക്കിയതായി പ്രഖ്യാപിച്ചു. രണ്ട് വർഷത്തെ പ്രവർത്തനങ്ങളിൽ, പുതിയ ഫിനാൻസിംഗ്, ഓനർഷിപ്പ് മോഡലുകൾ വഴി ബിസിനസിന് ബൂസ്റ്റ് നൽകിക്കൊണ്ട് ഏഥർ എനർജി എട്ട് നഗരങ്ങളിലേക്ക് വ്യാപിപ്പിച്ചു. ഏഥർ 450 എന്ന മോഡൽ നിർമ്മാതാക്കളുടെ ആദ്യ ഉൽപ്പന്നമാണ്. 2018 മുതൽ കമ്പനി ഏഥർ 340, ഏഥർ 450, ഏഥർ 450 X എന്നിവ പുറത്തിറക്കി. 2020 ഓടെ ഏഥർ എട്ട് നഗരങ്ങളിൽ കൂടി പ്രവർത്തനങ്ങൾ വ്യാപിപ്പിക്കും. അടുത്ത ആറ് മാസത്തിനുള്ളിൽ കമ്പനി ഏഥർ 450 പ്ലസും അവതരിപ്പിക്കും. ഉപയോക്താക്കൾ‌ക്ക് OTA അപ്‌ഗ്രേഡുകൾ‌ അവതരിപ്പിച്ച കമ്പനി പുതിയ റൈഡ് മോഡുകൾ‌, പുതിയ സവിശേഷതകൾ‌ എന്നിവ ചേർ‌ക്കുകയും വാഹനത്തിന്റെ റൈഡ്, ഉടമസ്ഥാവകാശ അനുഭവം എന്നിവ മെച്ചപ്പെടുത്തുകയും ചെയ്‌തു.