„Hladna braća“ - „Кате, Катинке“
МАКФЕСТ 1987
Музика: Vojkan Borisavljević
Текст: Ѓоко Георгиев
Аранжман: Лаза Ристовски
„Hladna braća“ беше српски synth pop-electro pop band, формиран од тројца браќа од Белград - Boban, Bane и Borica Knežević. Подоцна на нивните настапи им се придружиле и девојките од белградската танцова група BIG. Нивниот прв сингл се појавил во 1985 година („Loše devojke“ / „Sanjam o tebi“), по што дебитирале на MESAM фестивалот во Белград во 1985 година, каде што ја добиле наградата СОКОЈ (Сојуз на југословенските композитори) за најдобро остварување за песната „Ljubi me na Ibici“. Песната беше веројатно нивниот најголем успех, кој сè уште е во сеќавање. Автори на песната се Aleksandar Sanja Ilić и неговиот брат Dragan Ilić, на текст на Mladen Popović.
Следуваат низа фестивалски настапи во 1986 година - Опатија („Oslobodi me“), Сплит („Mare“), МАКФЕСТ („Nena“ - Втора награда од жирито) и МESAM („Boli me“), каде што го промовираат и својот прв албум „Poludećemo zajedno“ (1986). Носечката нумера требаше да се промовира на Загреб фест, но тие не успеаја да се појават. Албумот, практично е компилација на нивните 10 песни, што ги снимиле претходните години - биле вклучени и двете песни од нивниот сингл, сите фестивалски песни, плус „Pegi“ и cover верзија на „Black is Black“. Најголем дел од нивните нови песни ги напиша Vojkan Borisavljević, а албумот го продуцира Лаза Ристовски, но албумот не доживеа голем успех. Следната година пееја во Сараево на Vaš Šlager Sezone („Hej, hej, djevojčice“) и повторно на МАКФЕСТ („Кате, Катинке“) и МESAM.
Comments