Pakistan Railway se mutaliq sarkari dastavezat mein tashweeshnaak inkishaf samne aa gaya. Guzishta 5 saal ke douran 386 rail gaariyan patri se utarne ke mukhtalif hadsaat ka shikar huin, jabke in waqiat mein 169 afraad jaanbahaq hue.
Sarkari dastavezat ke mutabiq 173 musafir trains aur 213 maal gaariyan patri se utarne ke hadsaat ka shikar huin. Railway ko in hadsaat ke natije mein taqreeban ek arab rupay ka mali nuqsan bhi uthana para.
Rawaں saal ab tak Pakistan Railway mein 51 hadsaat report ho chuke hain, jabke pichle saal 87, 2024 mein 95, 2023 mein 58, 2022 mein 42 aur 2021 mein 57 waqiat samne aaye.
Dastavezat ke mutabiq railway hadsaat ke zimmedar 765 afraad ke khilaf karwai ki gayi, jabke taqreeban 504 afraad ke khilaf mehkamati karwai amal mein lai gayi.
Railway Minister Hanif Abbasi ke mutabiq ML-1 ka 72 feesad, ML-2 ka 88 feesad aur ML-3 ka 92 feesad track purana ya kamzor hai. Hassas maqamat par mehfooz operation ke liye 262 maqamat par raftaar ki pabandiyan bhi aaid ki gayi hain.
Pakistan Railway ki janib se track ki tajdeed, pullon ki bahali, level crossings ki overhauling aur signaling aur communication system ko jadeed banane ke iqdamat jari hain.
Mazeed Karachi aur Pakistan ki aham tareen khabron, ground reports aur exclusive updates ke liye KTube News ko Subscribe karein aur video ko Like aur Share zaroor karein.
KTube News — Har Khabar Aap Tak!
#KTube #KTubeNews #PakistanRailway #RailwayAccident #TrainAccident #PakistanNews #BreakingNews #LatestNews #NewsUpdate #RailwayNews #TrainDerailment #Pakistan #Karachi #UrduNews #ViralNews #TrendingNews #BreakingNewsPakistan
Comments