Manghopir Town mein jari Anti-Polio Muhim ko mazeed moassar banane ke liye aham ijlas munaqid hua, jis ki sarparasti Commissioner Karachi Syed Hassan Naqvi ne ki. Ijlas mein Chairman Manghopir Town Haji Nawaz Ali Brohi, Vice Chairman Rana Muhammad Arif aur tamam Union Councils ke baldiati numaindon samait mutaliqa zimmedaran ne shirkat ki.
Ijlas mein Manghopir Town ke mukhtalif ilaqon mein Polio Muhim ki monitoring, Polio teams ki field mein mojoodgi, bachon ki coverage aur reh jane wale bachon tak rasai ka jaiza liya gaya.
Commissioner Karachi ki janib se Polio Muhim ko mazeed moassar banane aur baldiati numaindon ko apne ilaqon mein active kirdar ada karne par zor diya gaya.
Chairman Manghopir Town Haji Nawaz Ali Brohi ne kaha ke Polio ka khatma qaumi zimmedari hai aur Manghopir Town ki tamam UC mein muhimm ko kamyab banane ke liye bharpoor aur mushtarka iqdamat jari rakhe jayenge.
Mazeed Karachi aur Manghopir ki latest local news ke liye KTube News ko Subscribe karein, video ko Like karein aur apne doston ke sath Share zaroor karein.
