ಶರಾವತಿ ವಿದ್ಯುದಾಗಾರದಲ್ಲಿ ನೀರು ಸೋರಿಕೆ: ತಪ್ಪಿದ ಅನಾಹುತ

ಶಿವಮೊಗ್ಗ: ಜಿಲ್ಲೆಯ ಸಾಗರ ತಾಲೂಕಿನ ಕಾರ್ಗಲ್​ನಲ್ಲಿರುವ ಶರಾವತಿ ವಿದ್ಯುದಾಗಾರದ 7ನೇ ಘಟಕದ ದುರಸ್ತಿ ಕಾರ್ಯದ ವೇಳೆ ತಾಂತ್ರಿಕ ದೋಷ ಕಂಡುಬಂದು ನೀರು‌ ಸೋರಿಕೆಯಾಗಿ ನಿನ್ನೆ(ಗುರುವಾರ) ಆತಂಕದ ವಾತಾವರಣ ಸೃಷ್ಟಿಯಾಗಿತ್ತು.ನೀರು ಸೋರಿಕೆ ಆಗುತ್ತಿದ್ದಂತೆಯೇ ಮುಂಜಾಗೃತಾ ಕ್ರಮವಾಗಿ ಮೂರು ವಿದ್ಯುತ್​​ ಘಟಕಗಳನ್ನು ಸ್ಥಗಿತಗೊಳಿಸಲಾಗಿತ್ತು. ನಂತರ ಘಟಕಕ್ಕೆ ಬಂದಿದ್ದ ಲೀಕೇಜ್ ನೀರನ್ನು ಹೊರ ಹಾಕಿ ವಿದ್ಯುತ್​​ ಘಟಕಗಳನ್ನು‌ ಪುನಾರಂಭ ಮಾಡಲಾಗಿದೆ.ವಿದ್ಯುತ್​​​ ಉತ್ಪಾದನೆಗೆ ಲಿಂಗನಮಕ್ಕಿ ಅಣೆಕಟ್ಟೆಯಿಂದ ವಿದ್ಯುತ್​ ಉತ್ಪಾದನೆಗೆ ಪೈಪ್​ ಲೈನ್​ ಮೂಲಕ ನೀರು ಘಟಕಕ್ಕೆ ಬರುತ್ತದೆ. ನಿರ್ವಹಣೆ ಕಾರ್ಯದಲ್ಲಿ ಪೈಪ್​ನಲ್ಲಿದ್ದ ನೀರು ಖಾಲಿ ಮಾಡುವಾಗ ಪೆನ್​​ ಸ್ಟಾಕ್​ ಪೈಪ್​ಗಳ ಡ್ರೈನ್ ವಾಲ್ಪ್​ನಲ್ಲಿ ಲೀಕೇಜ್ ಉಂಟಾಗಿ, ಘಟಕದ ಬೇಸ್ಮೆಂಟ್​ಗೆ ನುಗ್ಗಿದೆ.ಈ ನೀರು ವಿದ್ಯುದಾಗಾರದಿಂದ ಸುಮಾರು ಒಂದೂವರೆ ಅಡಿಯಷ್ಟು ಸಂಗ್ರಹವಾಗಿ ಹೊರಕ್ಕೂ ಬಂದಿದೆ. ತಕ್ಷಣ ಅಣೆಕಟ್ಟೆಯಿಂದ ವಿದ್ಯುತ್ ಘಟಕಕ್ಕೆ ಬರುವ ನೀರನ್ನು ಬಂದ್ ಮಾಡಲಾಗಿದೆ. ನಂತರ ನೀರು ಹೊರ ತೆಗೆದು ದುರಸ್ತಿ ಕಾರ್ಯ ಮುಗಿಸಿ, ಸಂಜೆ ವೇಳೆಗೆ ಪುನಃ ವಿದ್ಯುತ್ ತಯಾರಿ ಪ್ರಾರಂಭಿಸಲಾಗಿದೆ.ಇದನ್ನೂ ಓದಿ: ತುಂಗಭದ್ರಾ ಜಲಾಶಯದ ನೂತನ ಕ್ರೆಸ್ಟ್ ಗೇಟ್‌ಗಳ ಲೋಕಾರ್ಪಣೆ: ನೇರ ಪ್ರಸಾರ