Што е потребно за безбедни училишта - дебата по серијата инциденти меѓу малолетници

Што е потребно за безбедни училишта – дебата по серијата инциденти меѓу малолетници

За да не сведочиме на врсничко насилство на кое сведочиме секојдневно треба да се превенира, да се сензибилизираат децата, родителите и наставниот кадар во препознавање на различните форми на тоа насилство. Според Змијанац треба точно да се лоцираат причините за тоа насилство.

„Кога ќе прочитам колку се деца сме опфатиле 8000 деца, 50 основни и средни училишта, 1200 професори, 2000 родители едноставно се запрашува човек што треба уште да сториме за да помогнеме да не се случуваат вакви настани. Каде имаме направено пропусти, дали тоа се должи на нашата посветеност или отсуство или се должи на зголемениот број на агресивни содржини кои децата ги следат и не знаат како да ги препознаат и ги нормализираат“, вели Драги Змијанац, претседател на МЕЃАШИ

Заедничкиот пристап на институциите може да делува многу порано во превенцијата, но клучно е и самите ученици да бидат вклучени смета Илиески.

„Не може да се креира ниту една политика во којашто нема да бидат прашани и децата, а политиката се однесува на децата односно учениците. И не може да градиме безбедни училишта доколку се потпреме само на еден столб. Мораме сите заедно да учествуваме во сите механизми да ја понесеме одговорноста за нивно спроведување и попатно да ги корегираме неуспесите на кои ќе наидеме“, вели Зоран Илиески, извршен директор на Коалиција на младински организации „СЕГА“


Да не се релативизираат последиците низ призмата дека станува збор за обично задевање меѓу децата. И она што е најважно довербата на децата во институциите.

„Тоа значи дека ако родителот е дома и тука ја нема таа слобода, сепак ќе може да се обрати кај наставникот или на стручната служба која најчесто се користи како баук. Ако не си послушен ќе те пратам кај педагогот, психологот или кај директорот што не им е тоа улога“, рече Елена Илиевска, Државен секретар во Министерство за образование и наука.

Во меѓувреме според Илиевска потребни се подобри мерки за соработка помеѓу центрите за социјални работи и училиштата. Стручните служби мора да знаат што е сработено со центрите, кои чекори ќе се преземат за делувањето да биде координирано и превентивно.

Нина Стефанова