Actress Monica Bedi Passport Case is Linked to Krishna Mohan Reddy : రెండున్నర దశాబ్దాల క్రితం దేశవ్యాప్తంగా, అంతర్జాతీయంగా సంచలనం సృష్టించిన అండర్‌ వరల్డ్‌ మాఫియా డాన్‌ అబూసలేం ప్రియురాలు, సినీనటి మోనికా బేడీకి నకిలీ పేరుతో పాస్‌పోర్టు జారీ చేసిన వ్యవహారం మరోసారి తెరపైకి వచ్చింది. ఈ ఉదంతం మద్యం కుంభకోణం కేసులో తాజాగా అరెస్టైన జగన్ ఓఎస్డీ పెళ్లకూరు కృష్ణమోహన్‌రెడ్డి కర్నూలు తహసీల్దార్‌గా ఉన్నప్పుడే జరిగింది. సనా మాలిక్‌ కమల్‌ పేరిట మోనికా బేడీకి 2001 ఏప్రిల్‌ 9న నివాస ధ్రువీకరణపత్రాన్ని ఆయనే జారీ చేశారు. కర్నూలులోని బాబూ గౌండ వీధిలో నివాసం ఉంటున్నట్లు తప్పుడు సర్టిఫికెట్‌ ఇచ్చారు. దాన్ని అడ్డం పెట్టుకునే మోనికా బేడీ పాస్‌పోర్టు పొందగలిగారు.
Be the first to comment