ଏସବିଆଇ ଏଟିଏମ ଭାଙ୍ଗି ଲୁଟିନେଲେ ଲକ୍ଷ ଲକ୍ଷ ଟଙ୍କା

ଢେଙ୍କାନାଳ: ATM ଭାଙ୍ଗି ଲକ୍ଷ ଲକ୍ଷ ଟଙ୍କା ଲୁଟିନେଲେ ଦୁବୃର୍ତ୍ତ  । ସଦର ଥାନା ଅନ୍ତର୍ଗତ ପଞ୍ଚୁବଟି ନିକଟରେ ଏନ ଏଚ-୫୫ ପାର୍ଶ୍ୱରେ ଥିବା ଏସବିଆଇ ଏଟିଏମରୁ ଲୁଟ ହୋଇଛି । ବୁଧବାର ଦୁର୍ବୃତ୍ତମାନେ ଏଟିଏମ ଭାଙ୍ଗି ଟଙ୍କା ସବୁ ଲୁଟିଛନ୍ତି । ପରେ ଏଟିଏମ, ସିସି କ୍ୟାମେରା, ହାର୍ଡ ଡିସ୍କକୁ ଭାଙ୍ଗି ନେଇ ସାଙ୍ଗରେ ନେଇଯାଇଥିବାବେଳେ ଶେଷରେ ଏଟିଏମ ମେସିନରେ ନିଆଁ ଲଗାଇ ପୋଡି ଦେଇଥିବା ଜଣାପଡିଛି । ସୂଚନା ପାଇ ପୋଲିସ ସେମାନଙ୍କ ପିଛା କରି ମୋଟଙ୍ଗା ଥାନା ଅଞ୍ଚଳରୁ ଏକ କାର ଓ ୨ ଜଣ ଦୁର୍ବୃତ୍ତଙ୍କୁ କାବୁ କରିଛି। ମୋଟଙ୍ଗା ପୋଲିସ ଜଗି ରହିଥିବାରୁ ଦୁର୍ବୃତ୍ତମାନେ ଖସି ପଳାଇବାକୁ ଉଦ୍ୟମ କରୁଥିଲେ । ପୋଲିସ ଏକ କାରକୁ ଜବତ କରିବା ସହିତ ଦୁଇ ଜଣ ଦୁର୍ବୁତ୍ତଙ୍କୁ କାବୁ କରିଥିବା ଜଣାପଡ଼ିଛି। ମାତ୍ର ଦୁର୍ବୃ୍ତ୍ତମାନେ ଅନ୍ୟ ଏକ କାରରେ ଲୁଟ ଟଙ୍କା ନେଇ ଖସି ଯିବାରେ ସକ୍ଷମ ହୋଇଛନ୍ତି । ସମ୍ବଲପୁର ଆଡ଼କୁ ଦୁର୍ବୁତ୍ତମାନେ ଲୁଟ ଟଙ୍କା ନେଇ ପଳାଇଥିବାରୁ ପୋଲିସର ଏକ ଟିମ ପିଛା କରିଥିଲା । ତେବେ ଏଟିଏମରୁ ଲୁଟ ହୋଇଥିବା ଟଙ୍କାର ପରିମାଣ ଜଣା ପଡିନଥିଲେ ମଧ୍ୟ ତାହା ମଙ୍ଗଳବାର ଲୋଡ୍ ହୋଇଥିଲା  । ଇଟିଭି ଭାରତ, ଢେଙ୍କାନାଳ