Gjirokastër, të moshuarit tregojnë tmerrin: Më kapi për fyti, të më thoshte e ja jepja vetë lekët

Pas dëshmisë në polici, çifti i të moshuarve në Gjirokastër, Laze Shehu me bashkëshorten kanë rrëfyer tmerrin që përjetuan. "I ra të fikët në një moment. Unë u ngrita, ai uli kokën dhe iku. Unë u morë me këtë (gruan) se i ra të fikët. Nuk e pamë, ishte djalë i gjatë, i hollë dhe me pantallona të shkurtra. Policia erdhi për 5 minuta" tha Laze Shehu.

E tronditur, e moshuara tha se nëse do ia kishte kërkuar, do ia kishte dhënë vetë lekët hajdutit vetëm që ngjarja të mos ndodhte. "Me këtë që më ka bërë do ia kishë dhënë lekët vetë, nuk jam në gjendje të mbaj trupin. Unë shes lakra te tregu që paguaj qiranë, më vodhi edhe peshoren. 187 mijë lekë dhe peshoren. Kishte marrë lekët dhe erdhi te dollapi, ai më zuri për fyti, pandeha se ishte burri dhe bërtita, i thashë cfarë bën, ai iku sa u ngrit ky, mua më ra të fikët.

Mora policinë, më ndihmoni u thashë. Policia na tregoi një person, na trupi ai na dukej, por nuk e njoh. Më mori lekët e qirasë, nuk e di ku ti gjej, do dal të fle jashtë, të shes lakra. Jam tronditur shumë, jam për në spital. Të më kishte thënë 'm'i jep këto lekë do ia jepja, vetëm këtë veprim mos e kishte bërë" tha ajo.