Ligji për përdorimin e gjuhëve, disa shërbime me pagesë

Zyrtarizmi i gjuhës shqipes në mbarë vendin pritet të lehtësojë komunikimin e qytetarëve me institucionet. Parashikohen edhe shërbime juridike në gjuhën amtare. Megjithatë një gjë e tillë nuk do të jetë pa kosto. Përveç buxhetit 1,7 milion eurosh të Agjencisë e cila do të kujdeset për zbatimin e shqipes nga institucionet shtetërore, përkthimin e dokumenteve nga avokatët, përmbaruesit e noterët do të duhet ta paguajnë vet qytetarët. Nga oda e noterëve thonë se këto shpenzime do të definohen me akte nënligjore.