అమెరికాలోని చికాగో కేంద్రంగా తెలుగు దంపతులు నిర్వహిస్తున్న సెక్స్ రాకెట్ వ్యవహారంలో ఓ ఆసక్తికర విషయం వెలుగులోకి వచ్చింది. వీరు దొరికిపోవడానికి కారణం ఓ చిన్న కాగితమే అని తెలిసి అంతా ఆశ్చర్యపోతున్నారు. అందులో ఉన్న వివరాల ఆధారంగా కూపీ లాగడంతో డొంకంతా కదిలింది. ఆ డిటేల్స్ ఆధారంగానే తెలుగు సినీ నిర్మాత మోదుగుమూడి కిషన్, చంద్రకళ దంపతుల ఇంట్లో సోదాలు నిర్వహించగా ఈ వ్యభిచార దందా బట్టబయలైంది.
ఈ ఏడాది జనవరిలో కిషన్ దంపతులను యునైటెడ్ స్టేట్స్ బోర్డర్ పెట్రోల్ సిబ్బంది వీరిని అరెస్టు చేశారు. అమెరికాలో అక్రమంగా నివసిస్తున్నారనే ఆరోపణలపై వారిని అరెస్టు చేయగా ఫిబ్రవరి 23న బయటకు వచ్చారు. ఇద్దరినీ అరెస్ట్ చేసిన సమయంలో వారి నుంచి అధికారులు కొన్ని పత్రాలను స్వాధీనం చేసుకోగా... అందులో మారియట్ హోటల్ లెటర్ హెడ్తో ఉన్న పేపర్లో ఉన్న వివరాలు పోలీసుల్లో అనుమానం రేకెత్తించింది.
మారియట్ హోటల్ లెటర్ హెడ్తో ఉన్న ఆ పేపర్లో పలువురు హీరోయిన్ల పేర్లు, వారు ఏ తేదీల్లో అందుబాటులో ఉంటారు, ఏ రూములో ఉంటారు అనే విషయాలన్నీ ఉన్నాయి. అనుమానంతో పోలీసులు మరింత లోతుగా ఇన్వెస్టిగేషన్ జరిపారు.
ఈ దంపతులు వ్యభిచార దందా నిర్వహిస్తున్నారనే అనుమానంతో కోర్టు అనుమతి తీసుకుని వారు నివాసం ఉంటున్న ఇంట్లో సోదాలు జరుపగా.... అసలు విషయం బయట పడింది. భారీ ఎత్తున కండోమ్స్ లభించడం అమెరికా పోలీసులను సైతం ఆశ్చర్యపరిచింది.
Comments