• 6 minutes ago
ತುಮಕೂರು: ತುಮಕೂರು ಜಿಲ್ಲಾ ಪೊಲೀಸ್​ ವತಿಯಿಂದ ಎಸ್ಪಿ ಕೆ.ವಿ.ಅಶೋಕ್​ ಅವರಿಗೆ ಅದ್ಧೂರಿ ಹಾಗು ಭಾವನಾತ್ಮಕ ಬೀಳ್ಕೊಡುಗೆ ನೀಡಲಾಯಿತು.ಅಶೋಕ್‌ ಅವರಿಗೆ ಸಿಬ್ಬಂದಿ ಪುಷ್ಪವೃಷ್ಟಿ ಮಾಡಿ ಗೌರವ ಸಲ್ಲಿಸಿದರು. ತೆರೆದ ಜೀಪಿನಲ್ಲಿ ಕೂರಿಸಿ ರಥದಂತೆ ಹಗ್ಗದಿಂದ ಜೀಪ್​ ಎಳೆದು ಮೆರವಣಿಗೆ ಮಾಡಿದರು. ಅಶೋಕ್‌ ಅವರ ಕಾರ್ಯವೈಖರಿಯನ್ನು ಪೊಲೀಸ್ ಸಿಬ್ಬಂದಿ ಮೆಚ್ಚಿಕೊಂಡು ಭಾವುಕರಾದರು.ಅಶೋಕ್ ಅವರು ದಕ್ಷತೆ, ಶಿಸ್ತು ಹಾಗೂ ಮಾನವೀಯತೆಯಿಂದ ಇಲಾಖೆಯ ವಿಶ್ವಾಸಗಳಿಸಿದ್ದರು. ಸಿಬ್ಬಂದಿಯೊಂದಿಗೆ ಸ್ನೇಹಮಯಿಯಾಗಿ, ಅಧಿಕಾರಿಗಳೊಂದಿಗೆ ಉತ್ತಮ ಸಮನ್ವಯತೆ ಸಾಧಿಸುತ್ತಿದ್ದರು. ಸಾರ್ವಜನಿಕರ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸಿ ಜನಮೆಚ್ಚುಗೆ ಗಳಿಸಿದ್ದರು. ಜನಸ್ನೇಹಿ ಪೊಲೀಸ್ ವ್ಯವಸ್ಥೆ ನಿರ್ಮಾಣಕ್ಕೆ ವಿಶೇಷ ಒತ್ತು ನೀಡಿದ್ದರು ಎಂದು ಸಿಬ್ಬಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ."ತುಮಕೂರು ಜಿಲ್ಲೆಯಲ್ಲಿ ಸಮರ್ಪಣಾ ಭಾವದಿಂದ ಸೇವೆ ಸಲ್ಲಿಸಿ ಇದೀಗ ಡಿಸಿಪಿ ಪೀಣ್ಯ, ಪಶ್ಚಿಮ ಬೆಂಗಳೂರು ವಿಭಾಗಕ್ಕೆ ವರ್ಗಾವಣೆಗೊಂಡಿದ್ದೇನೆ. ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಶ್ರೀ ಗೋಪಾಲ್ ಅವರಿಗೆ ಅಧಿಕಾರ ಹಸ್ತಾಂತರಿಸಿದ್ದೇನೆ. ಜಿಲ್ಲಾ ಜನತೆಗೆ ಮತ್ತು ತುಮಕೂರು ಜಿಲ್ಲಾ ಪೊಲೀಸ್ ಇಲಾಖೆಗೆ ಹೃತ್ಪೂರ್ವಕ ಕೃತಜ್ಞತೆ ಸಲ್ಲಿಸಿ ಕರ್ತವ್ಯದಿಂದ ನಿರ್ಗಮಿಸುತ್ತಿದ್ದೇನೆ" ಎಂದು ಅಶೋಕ್ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.ಇದನ್ನೂ ಓದಿ: ಅಪ್ಪು ಆಶೀರ್ವಾದ ಪಡೆದ ನಟ ಚಿಕ್ಕಣ್ಣ, ನಟಿ ವಂದಿತಾ: 'ಲಕ್ಷ್ಮೀಪುತ್ರ' ಪ್ರಮೋಷನ್‌ಗೆ ಹೊಸಪೇಟೆಗೆ ಆಗಮಿಸಿದ ಚಿತ್ರತಂಡ

Category

🗞
News
Transcript
00:00I
Comments

Recommended