ବ୍ରହ୍ମପୁର: ଗଞ୍ଜାମ ଗୋପାଳପୁର ନିକଟରେ ସ୍ଥଳ ଭାଗ ଅତିକ୍ରମ କଲା ବାତ୍ୟା ଆକାଭାନ । ଆଗାମୀ ୨୪ ଘଣ୍ଟା ପର୍ଯ୍ୟନ୍ତ ରାଜ୍ୟରେ ବର୍ଷା ସମ୍ଭାବନା ରହିଛି । ଲ୍ୟାଣ୍ଡଫଲ ସମୟରେ ଘଣ୍ଟାପ୍ରତି ୭୦ରୁ ୮୦ କିଲୋମିଟର ବେଗରେ ପବନ ବହିଥିବା ବେଳେ ଝଟକା ପବନର ବେଗ ଘଣ୍ଟାପ୍ରତି ୯୦ କିଲୋମିଟର ପର୍ଯ୍ୟନ୍ତ ପହଞ୍ଚିଥିଲା । ଗତକାଲି ରାତିଠାରୁ ତୁହାକୁ ତୁହା ବର୍ଷା ଲାଗି ରହିଥିଲା । ବାତ୍ୟା ପ୍ରଭାବରେ ଆଗାମୀ ୨୪ ଘଣ୍ଟା ମଧ୍ୟରେ ଓଡ଼ିଶାର ୧୧ଟି ଜିଲ୍ଲାର କେତେକ ଜଳଭଣ୍ଡାର ଅଞ୍ଚଳ ଓ ନିମ୍ନାଞ୍ଚଳରେ ମଧ୍ୟମରୁ ଅଧିକ ଫ୍ଲାସ୍ ଫ୍ଲଡ୍ ଆଶଙ୍କା ରହିଥିବା IMD ସତର୍କ କରାଇଛି । ଏହା ମଧ୍ୟରେ ଗଞ୍ଜାମ ଜିଲ୍ଲା ମଧ୍ୟ ରହିଛି ।IMDର ବର୍ଷା ରେକର୍ଡ ଅନୁଯାୟୀ, ଗତ ୧୯ ତାରିଖ ସକାଳ ୮ଟା ୩୦ରୁ ୨୦ ତାରିଖ ସକାଳ ୮ଟା ୩୦ ମଧ୍ୟରେ ଗଞ୍ଜାମ ଜିଲ୍ଲାର ପାତ୍ରପୁରରେ ସର୍ବାଧିକ ୨୦୯ ମିମି ବର୍ଷା ରେକର୍ଡ ହୋଇଛି । ହିଞ୍ଜିଳିରେ ୨୦୭ ମିମି, ଚିକିଟିରେ ୧୯୯ ମିମି, ଗୋପାଳପୁରରେ ୧୯୦ ମିମି, ଛତ୍ରପୁରରେ ୧୩୯ ମିମି, ଚାନ୍ଦବାଲିରେ ୧୧୯ ମିମି, ତିହିଡ଼ିରେ ୧୦୦ ମିମି, କୁଜଙ୍ଗରେ ୯୭ ମିମି, ପାରାଦୀପରେ ୯୩ ମିମି, ପୁରୀରେ ୭୯ ମିମି ବର୍ଷା ରେକର୍ଡ ହୋଇଛି । ଅନ୍ୟପକ୍ଷରେ, ଗଞ୍ଜାମ ଓ ପୁରୀ ଜିଲ୍ଲାର ତଳିଆ ଅଞ୍ଚଳରେ ଆଗାମୀ ୩ ଘଣ୍ଟା ମଧ୍ୟରେ ଜ୍ୟୋତିର୍ବିଜ୍ଞାନୀୟ ଜୁଆର ସ୍ତରଠାରୁ ପ୍ରାୟ ୦.୩ ମିଟର ଉଚ୍ଚତାର ଜଳପ୍ରବାହ ଯୋଗୁଁ ଜଳମଗ୍ନ ହେବାର ଆଶଙ୍କା ମଧ୍ୟ ପ୍ରକାଶ କରିଛି ପାଣିପାଗ ବିଭାଗ ।ଏହା ମଧ୍ୟ ପଢନ୍ତୁ:ଲାଇଭ Cyclone Akvan Live Updates: ଗୋପାଳପୁର ନିକଟରେ ଅତିକ୍ରମ କଲା 'ଆକଭାନ୍', ଅଘଟଣ ସୂଚନା ନାହିଁ: ମୁଖ୍ୟ ଶାସନ ସଚିବ ହରିପୁରରେ ବାତ୍ୟା ଆକଭାନର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ: ମୁଖ୍ୟମନ୍ତ୍ରୀଙ୍କ ସମୀକ୍ଷା, ୩ ଲକ୍ଷରୁ ଉର୍ଦ୍ଧ୍ବ ସ୍ଥାନାନ୍ତରିତ
Transcript
00:00So
00:32Let's go.
01:00Let's go.