ಹಾಸನ: ಲಾಡ್ಜನಲ್ಲಿ 23 ವರ್ಷದ ಯುವತಿ ಅನುಮಾನಾಸ್ಪದ ಸಾವು, ಇಬ್ಬರು ಯುವಕರು ನಾಪತ್ತೆ

ಹಾಸನದ ಸಕಲೇಶ್ಪುರದ ಹಿರಿಓರೋ ಲಾಡ್ಜನಲ್ಲಿ 23 ವರ್ಷದ ಯುವತಿ ವರ್ಷಾ ಅನುಮಾನಾಸ್ಪದವಾಗಿ ಮೃತಪಟ್ಟಿರುವ ಘಟನೆ ನಡೆದಿದೆ. ಯುವತಿ ಸ್ನೇಹಿತರ ಜೊತೆ ಪ್ರವಾಸಕ್ಕೆ ಹೋಗುತ್ತಿದ್ದೇನೆ ಎಂದು ಮನೆಯಿಂದ ಹೊರಟಿದ್ದಳು. ಆಕೆಯ ಜೊತೆ ಬಂದಿದ್ದ ರಾಗು ಮತ್ತು ದರ್ಶನ್ ಎಂಬ ಇಬ್ಬರು ಯುವಕರು ನಾಪತ್ತೆಯಾಗಿದ್ದಾರೆ. ಬಾತ್ರೂಮಿನಲ್ಲಿ ಗೀಜರ್ ಲೀಕ್ ಆಗಿ ತಲೆ ಸುತ್ತಿ ಬಿದ್ದಿದ್ದಾಳೆ ಎಂದು ಹೇಳಲಾಗಿದ್ದು, ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ ನಂತರ ಮೃತಪಟ್ಟಿದ್ದಾಳೆ. ಮೈಮೇಲೆ ಯಾವುದೇ ಗಾಯಗಳಿಲ್ಲ ಎಂದು ಸ್ಟಾಫ್ ನರ್ಸ್ ತಿಳಿಸಿದ್ದಾರೆ. ಪೋಸ್ಟ್‌ಮಾರ್ಟಂ ವರದಿ ಬಂದ ನಂತರ ಸಾವಿನ ನಿಜವಾದ ಕಾರಣ ತಿಳಿಯಲಿದೆ ಎಂದು ಹಾಸನ ಪೊಲೀಸರು ತಿಳಿಸಿದ್ದಾರೆ.