ಪಂಚಾಯತ್ ಕಚೇರಿಯಲ್ಲೇ ತಂದೆ-ಮಗಳ ಭೀಕರ ಹತ್ಯೆ: ಆಸ್ತಿ ವಿವಾದ ರಕ್ತಪಾತಕ್ಕೆ ಕಾರಣ

ಬೆಳಗಾವಿ ಜಿಲ್ಲೆಯ ಕಿತ್ತೂರು ತಾಲೂಕಿನ ಅವರಾಧಿ ಗ್ರಾಮದಲ್ಲಿ ಆಸ್ತಿ ವಿವಾದಕ್ಕೆ ಸಂಬಂಧಿಸಿ ಗ್ರಾಮ ಪಂಚಾಯತ್ ಕಚೇರಿಯಲ್ಲೇ ತಂದೆ ಮತ್ತು ಮಗಳ ಭೀಕರ ಹತ್ಯೆ ನಡೆದಿದೆ. ನಿವೃತ್ತ ಸೇನಾ ಸಿಬ್ಬಂದಿ ರುದ್ರಪ್ಪ ಮತ್ತು ಅವರ ಮಗಳು ಶಶಿಕಲಾ ಅವರು ಜಮೀನಿನ ದಾಖಲೆ ನೋಂದಣಿಗಾಗಿ ಪಂಚಾಯತ್‌ಗೆ ಬಂದಿದ್ದ ಸಂದರ್ಭದಲ್ಲಿ, ಮೂವರು ಸಂಬಂಧಿಕರು ಕೊಡಲಿ ಮತ್ತು ಕಲ್ಲುಗಳಿಂದ ದಾಳಿ ನಡೆಸಿ ಇಬ್ಬರನ್ನೂ ಕೊಲೆ ಮಾಡಿದ್ದಾರೆ. ಸುಮಾರು 12 ಎಕರೆ ವಿವಾದಿತ ಆಸ್ತಿಗಾಗಿ ಈ ಘಟನೆ ನಡೆದಿದ್ದು, ಪಂಚಾಯತ್ ಸಿಬ್ಬಂದಿ ಸಮ್ಮುಖದಲ್ಲೇ ಈ ಕ್ರೂರ ಕೃತ್ಯ ನಡೆದಿದೆ. ಇಡೀ ಗ್ರಾಮ ಆಘಾತಕ್ಕೊಳಗಾಗಿದ್ದು, ಆರೋಪಿಗಳ ವಿರುದ್ಧ ತ್ವರಿತ ನ್ಯಾಯ ಒದಗಿಸಬೇಕೆಂದು ಜನರು ಆಗ್ರಹಿಸುತ್ತಿದ್ದಾರೆ.