Mominabad Town mein Jashn-e-Eid Milad-un-Nabi Hazrat Muhammad Mustafa ﷺ ki tayariyon aur intizamat ke hawale se aham ijlas munaqid hua. Ijlas ki sadarat Chairman Mominabad Town Malik Arif Awan ne ki, jabke Municipal Commissioner Asghar Ali, Coordinator Meraj Shah, Focal Person Khizar Hayat, Town Council members, baldiati afsaran, Ulama-e-Kiram aur mukhtalif mazhabi shakhsiyat ne shirkat ki.
Ijlas mein Jashn-e-Eid Milad-un-Nabi ﷺ ke silsilay mein hone wale programs, mehafil aur jalooson ke intizamat ka tafseeli jaiza liya gaya. Safai sutrai, roshni, sarkon ki behtari aur deegar baldiati sahuliyat ki farahmi ke hawale se bhi aham hidayat jari ki gayin.
Chairman Malik Arif Awan ne kaha ke Eid Milad-un-Nabi ﷺ ke mauqe par awam ko behtareen baldiati sahuliyat ki farahmi aur Ulama-e-Kiram aur mazhabi jamaaton ke sath bharpoor taawun ko yaqini banaya jayega.
Ijlas ke ikhtitam par mulk-o-qaum ki salamti, aman, khushhali, istehkam aur Ummat-e-Muslima ke ittehad ke liye khas dua bhi ki gayi.
📺 KTube News ko Subscribe karein aur Karachi ki aham khabron, ground reports, exclusive updates aur breaking news se ba-khabar rahain.#KTubeNews #Mominabad #EidMiladUnNabi #MiladUnNabi #KarachiNews #MominabadTown #MalikArifAwan #Karachi #SindhNews #BreakingNews #LatestNews #PakistanNews #IslamicEvents #MiladNews #GroundReport #ExclusiveNews #Trending #Viral #NewsUpdate #KTube
