अबू सालेमची सुटका नाहीच! दिलासा देण्यास नकार देत मुंबई उच्च न्यायालयानं फेटाळली याचिका

मुंबई : अंडरवर्ल्ड डॉन अबू सालेमच्या मुदतपूर्व सुटकेची मागणी फेटाळत त्याला कोणताही दिलासा देण्यास मुंबई उच्च न्यायालयानं नकार दिलाय. न्यायमूर्ती अजय गडकरी आणि न्यायमूर्ती कमल खाता यांच्या खंडपीठानं बुधवारी (15 एप्रिल) ही याचिका फेटाळून लावली. जुलै 2025 मध्ये ही याचिका पहिल्यांदा सुनावणीसाठी आली होती. तेव्हाच ही याचिका योग्य वाटत नसली तरी ही याचिका आम्ही सुनावणीकरता दाखल करून घेत आहोत, असं मुंबई उच्च न्यायालयानं स्पष्ट केलं होतं.केंद्र सरकारचा विरोध- सालेमनं यासंदर्भात दाखल केलेली याचिका अयोग्य असून ती मान्य करता येणार नाही, असं केंद्र सरकारच्यावतीन अतिरिक्त सॉलिसिटर जनरल अनिल सिंह यांनी मुंबई उच्च न्यायालयात स्पष्ट केलं. अबू सालेमला कोर्टानं जन्मठेपेची शिक्षा सुनावलीय.