बारामतीत कमर्शियल गॅस टंचाई; व्यापारी व हॉटेल मालकांची सुनेत्रा पवारांकडे धाव

बारामतीमध्ये कमर्शियल गॅस सिलेंडरच्या पुरवठ्यात अचानक खंड पडल्यामुळे व्यापारी आणि हॉटेल व्यवसायिकांमध्ये मोठी चिंता निर्माण झाली आहे. बारामती व्यापारी संघटना, हॉटेल ट्रेडर्स असोसिएशन आणि स्वीट होम असोसिएशनच्या प्रतिनिधींनी सुनेत्रा पवार यांची भेट घेऊन निवेदन दिले.सुशील कुमार सोमानी यांनी सांगितले की, पूर्वी हॉटेल आणि व्यावसायिकांना दररोज गॅस सिलेंडरचा पुरवठा होत होता. मात्र अचानक हा पुरवठा थांबल्यामुळे हॉटेल व्यवसाय बंद होण्याची वेळ आली आहे. अनेक हॉटेल्सकडे दोन दिवस पुरेल इतकाही गॅस साठा नाही.या टंचाईचा परिणाम फक्त हॉटेल व्यवसायावरच नाही, तर त्यावर अवलंबून असलेल्या कर्मचाऱ्यांवर, किराणा दुकानदारांवर आणि संपूर्ण बाजारपेठेवर होत आहे. बारामतीतील सुमारे 5,000 विद्यार्थ्यांनाही याचा फटका बसत असून मेस सेवा बंद पडण्याच्या मार्गावर आहे. तसेच रुग्णालयांनाही रुग्णांना अन्न पुरवण्यात अडचणी येत आहेत.या पार्श्वभूमीवर किमान दोन दिवसांचा गॅस सिलेंडर पुरवठा पुन्हा सुरू करण्याची मागणी निवेदनाद्वारे करण्यात आली आहे.#LPG #PriceHike #LPGShortage #SunetraPawar #Baramati #AsianetNewsMarathi #political