శ్రీకాకుళం: సముద్ర తీరానికి కొట్టుకొచ్చిన భారీ తిమింగలం

శ్రీకాకుళం జిల్లా వజ్రపుకొత్తూరు మండలం చిన్నకొత్తూరు సముద్ర తీరానికి భారీ తిమింగలం కొట్టుకొచ్చింది. గాయాలపాలైన తిమింగలం సముద్రం ఒడ్డుకు చేరింది. భారీ తిమింగలం కావటంతో ప్రజలు దాన్ని చూడటానికి క్యూ కట్టారు. కొంతమంది యువకులు తిమింగలంపై నిలబడి సెల్ఫీలు తీసుకున్నారు. కొద్దిసేపు తీరంలో ఉన్న తిమింగలం.. తర్వాత మళ్లీ సముద్రంలోకి వెళ్లిపోయింది. ఇంత పెద్ద తిమింగలాన్ని సిక్కోలు తీరంలో చూడటం ఇదే మొదటిసారని స్థానికులు చెబుతున్నారు.