నగరి ఎమ్మెల్యే ఆర్కే రోజా మరోసారి డాక్టర్ అవతారమెత్తారు. ఆమె యాక్టర్ కాకముందే డాక్టర్ కావాలనుకుందని నియోజకవర్గ పర్యటనలో తన మనస్సులోని కోరికను బయటపెట్టారు. ఆ రోజు మెడలో స్టెతస్కోప్ వేసుకుని తన కోరిక తీరిదంటూ.. అక్కడున్న ప్రజలతో అన్నారు. మళ్లీ ఈ రోజు ఉచిత వైద్య శిబిరంలో రోగులకు బీపీ, షుగర్ టెస్ట్‌లు చేస్తూ డాక్టర్ ఎమ్మెల్యేగా పిలుపించుకున్నారు.
పుత్తూరు మండలం గొల్లపల్లి గ్రామంలోని జెడ్పీ ఉన్నత పాఠశాల ఆవరణలో శుక్రవారం నిర్వహించిన ఉచిత మెగా వైద్యశిబిరాన్ని ఎమ్మెల్యే రోజా శుక్రవారం ప్రారంభించారు. గ్రామీణ ప్రాంతాల్లో ప్రజలకు మెరుగైన వైద్య సౌకర్యాలు క్పలించడం కోసం ఉచిత మోగా వైద్య శిబిరం నిర్వహించారు. ఈ వైద్య శిబిరంలో పెద్ద సంఖ్యలో ప్రజలు పాల్గొన్నారు.
ఈ సందర్భంగా రోజా మాట్లాడుతూ.. ముఖ్యమంత్రి జగన్‌మోహన్ రెడ్డి ఆరోగ్య శ్రీ కింద కోవిడ్‌తో సహా దాదాపు 2000 జబ్బులు దాకా తీసుకొచ్చి పేదవాడిని అప్పుల పాలు కాకుండా చేశారన్నారు. నిత్యావసర వస్తువులను కూడా మనకు అందుబాటులోకి తీసుకు వచ్చి కోవిడ్ సమయంలో ఉచితంగా అడగకుండానే మన కడుపు నింపిన మనసున్న ముఖ్యమంత్రి జగన్ అని కొనియాడారు.
ప్రతి పంచాయతీలో అనారోగ్యంతో ఉన్న వారందరికీ వైద్య చికిత్సలు అందించాలన్నది ముఖ్యమంత్రి లక్ష్యమని.. ఆయన కోరిన విధంగానే రోగులకు వైద్య చికిత్సలు చేయడమే కాకుండా.. అవసరమైన శస్త్ర చికిత్సలు కూడా ఆరోగ్య శ్రీ కింద చేయిస్తున్నామని రోజా తెలిపారు. ప్రతి ఆస్పత్రిలో ఆరోగ్య శ్రీ కింద శస్త్ర చికిత్సలు నిర్వహిస్తారని వివరించారు.
