K Babu talks at The Parliament
കേന്ദ്ര വനം-പരിസ്ഥിതി മന്ത്രാലയത്തിന്റെ 2019 ലെ വിജ്ഞാപനത്തിന്റെ ആനുകൂല്യം തീരദേശവാസികള്‍ക്കും ദ്വീപ് നിവാസികള്‍ക്കും ലഭിക്കുന്നതിനുള്ള നടപടികള്‍ സര്‍ക്കാര്‍ കൈക്കൊള്ളണമെന്ന് കെ ബാബു എംഎല്‍എ. തീരദേശ പരിപാലന നിയമം മൂലം തീരദേശവാസികളും ദ്വീപ് നിവാസികളും നിരവധി ബുദ്ധിമുട്ടുകള്‍ അനുഭവിക്കുകയാണ്. നിയമസഭയില്‍ വിഷയം ശ്രദ്ധയില്‍പ്പെടുത്തിയപ്പോള്‍ മുഖ്യമന്ത്രി അനുഭാവപൂര്‍ണമായ നടപടിയാണ് സ്വീകരിച്ചത്. മുഖ്യമന്ത്രി നല്‍കിയ ഉറപ്പ് എത്രയും വേഗം പൂര്‍ത്തീകരിക്കാനുള്ള നടപടികള്‍ സ്വീകരിക്കണമെന്നും കെ ബാബു ആവശ്യപ്പെട്ടു.
