BKH 'ndez motorët', në fokus tenderat e korrupsioni! Hajnaj takim me drejtuesin e SPAK

TIRANË- Abuzimi me fondet publike, barazia në tendera dhe korrupsioni i zyrtarëve publik pritet të jenë fokusi i punës së byrosë kombëtare të hetimeve dhe prokurorëve të SPAK për sezonin e ri të nisur nga kjo e mërkurë në një takim të përbashkët pune.

Report Tv mëson se në takimin 60 minutësh pjesë e të cilës ka qenë drejtuesi i SPAK Arben Kraja, drejtuesja e Byrosë Kombëtarë të Hetimit Aida Hajnaj, përfaqësues të ambasadës së SHBA-s është folur se 120 ditë e mbetura deri në fund të vitit duhet të kenë rezultate konkrete.