Filmi më i ri për Krishtlindje – “Kur Hitleri vodhi lepurin ngjyrë trëndafili”

Pas gati 50 vjetësh libri për të rinj i Judith Kerr mbi dëbimin e një familjeje nga Gjermania e Hitlerit mbërrin në kinema me regji nga Caroline Link.


Filmi ?Kur Hitleri vodhi lepurin ngjyrë trëndafili? po pritet me shumë kërshëri. Annës (e luajtur nga Riva Krymalowski), prindërit i kanë thënë se duhet të zgjedhë vetëm një lodër prej pellushi për ta marrë me vete në Zvicër. Lepurushin e saj të dashur ngjyrë trëndafili, ose lodrën e vjetër prej pellushi, që e ka që nga ditët e hershme të fëmijërisë.

Nëntëvjeçarja Anna më në fund vendos me zemër të thyer ta lërë lepurushin. Ai duhet të rrijë në Gjermani. Humbja e lepurushit vazhdon të mbizotërojë mendimet e Anës, fillimisht në Paris, më vonë në Londër. Për shumë fëmijë dhe të rinj kjo skenë mund të jetë e njohur. Libri ?Kur Hitleri vodhi lepurin ngjyrë trëndafili? ka qenë në mjaft vende të botës pjesë leximi në shkolla dhe meqenëse Judith Kerr, autorja e romanit, fitoi famë botërore me librin e saj autobiografik, atë e kanë lexuar më vonë edhe shumë të rritur. Në vitin 1971 libri u botua fillimisht në gjuhën angleze, dhe dy vjet më vonë Annemarie Böll, gruaja e nobelistit Heinrich Böll, e përktheu në gjermanisht.

Në 1978 me të u realizua një film nga televizioni gjerman, tani pas pothuajse gjysmë shekulli ai vjen edhe si film kinematografik. ?Kur Hitleri vodhi lepurin ngjyrë trëndafili? festoi premierën e tij më 8 dhjetor në Berlin, ndërsa në ditën e parë të Krishtlindjeve filmi do të shfaqet në të gjithë Gjermaninë.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Film#Kinema#Hitler#TopChannel