Dita e parë e mandatit, Pendarovski takon Zhbogarin

Në ditën e parë të mandatit, Presidenti Stevo Pendarovski dërgoi mesazhe për pajtim qytetar dhe takoi ambasadorin e BE-së Samuel Zhbogar. Ambasadori Zhbogar solli urimet e krerëve të unionit dhe paralajmëroi një vizitë të mundshme të Pendarovskit në Bruksel gjatë javëve të ardhshme. Mirëpo, analistët vlerësojnë se, në politikën e brendshme, për Pendarovskin është prioritet dekretimi i ligjeve të cilat i kishte kthyer Ivanovi. Kuvendi pritet të vendosë nëse, për këtë, do të presin edhe miratimin e ligjeve të mbetura të cilat duhet të kalojnë leximin e tretë më 16 maj.