MM Mani, famous for his controversial speech and has become a minister since. കേരളത്തില്‍ വിവാദം കൊണ്ട് പ്രശസ്തനായ നേതാവുണ്ടെങ്കില്‍ പിസി ജോര്‍ജിനൊപ്പം ചേര്‍ത്ത് വെക്കാവുന്ന പേരാണ് എംഎം മണിയുടേത്. എന്നാല്‍ വ്യത്യസ്തമായ പ്രസംഗ ശൈലി കൊണ്ടും താഴെ തട്ടിലുള്ള അദ്ദേഹത്തിന്റെ പ്രവര്‍ത്തന ശൈലി കൊണ്ടും കേരള രാഷ്ട്രീയത്തിലെ മുതിര്‍ന്ന നേതാവായി അദ്ദേഹം വളരുകയായിരുന്നു. ഇന്ന് വൈദ്യുത മന്ത്രി സ്ഥാനം വരെ എംഎം മണിയെത്തിയത് രാഷ്ട്രീയ പരീക്ഷണങ്ങളെ അതിജീവിച്ചാണ്. ഇടുക്കിയില്‍ മണിയാശാന്‍ എന്ന പേരിലാണ് അദ്ദേഹം അറിയപ്പെടുന്നത്. മലയോര കര്‍ഷകര്‍ മുതല്‍ സാധാരണക്കാര്‍ക്ക് വരെ ഏറ്റവും അടുത്തിടപഴകാവുന്ന നേതാവാണ് മണി. ഇടുക്കിയില്‍ പാര്‍ട്ടിയുടെ വളര്‍ച്ചയ്ക്ക് സാക്ഷ്യം വഹിച്ച നേതാവെന്ന പേരും അദ്ദേഹത്തിനുണ്ട്.
