Report TV - Aksione blic në Vlorë, policia kontrolle në lokale për armë dhe persona me precedentë

Policia e Vlorës ka zhvilluar gjatë natës një sërë kontrollesh në qytet dhe në lokalet e natës. Policia ka kontrolluar për persona me precedentë penal si edhe persona që lëvizin me armë.

Burime për Report Tv, bëjnë me dije se aksioni ka vazhduar gjatë gjithë natës, në shumë lokale. Kontrollet janë bërë me qëllim për të ruajtur rendin dhe qetësinë publike.

Mësohet se mbi 10 persona janë shoqëruar, por nuk ka ende informacion nëse ka patur të arrestuar nga ky aksion, por mësohet se do të ketë kontrolle edhe në ditët në vijim. Report Tv, sjell pamje nga këto kontrolle të policisë në Vlorë.