Vrasje ne zonen e ish-Bllokut ne Tirane

Një person ka mbetur i vrarë mbrëmjen e kësaj të enjteje në zonën e ish-Bllokut në Tiranë. Nga të shtënat kanë mbetur të plagosur edhe dy persona të tjerë.

"Rreth orës 21:50, në zonën e ?Bllokut? në rrethana ende të paqarta janë plagosur me armë zjarri dy shtetas dhe një tjetër ka mbetur i vrarë. Po punohet për zbardhjen e rrethanave të ngjarjes, identifikimin dhe kapjen e autorit/ve", thotë Policia e Tiranës në një njoftim paraprak për mediat.

Nuk dihen ende rrethanat e plota të kësaj ngjarjeje të rëndë, apo identiteti i viktimës dhe të plagosurve.