Flakë të mëdha kanë përfshirë edhe linjën hekurudhore Lezhë-Laç dhe për pasojë mësohet se janë shkrumbuar në një gjatësi prej 4 km binarët e hekurudhës në Ishëm dhe 300 m në Zejmen. Aktualisht hekurudha ka dalë jashtë funksionit, ndërsa një tren mallrash me destinacion Sukthin, ka mbetur i bllokuar.
Sipas gazetarit të Report Tv, Elvis Hila, nga vatra e zjarrit ka pasur rrezik në dy biznese të zonës. Flakët e zjarrit po përhapen me shpejtësi nga era e fortë. Gjatë ditës janë shfaqur disa vatra të tjera zjarri në zona të ndryshme.
