മകളെ പീഡിപ്പിക്കുന്നതിന് ഒത്താശ ചെയ്ത അമ്മയെയും പ്രതി ചേർത്ത് അറസ്റ്റ് രേഖപ്പെടുത്തി
എടപ്പാളിലെ സിനിമാ തിയറ്ററിൽ പത്തുവയസ്സുകാരിയായ മകളെ പീഡിപ്പിക്കുന്നതിന് ഒത്താശ ചെയ്ത അമ്മയെയും പ്രതി ചേർത്ത് അറസ്റ്റ് രേഖപ്പെടുത്തി.കുട്ടികള്‍ക്കെതിരെ പീഡനം തടയുന്ന പോക്സോ നിയമപ്രകാരമാണ് കേസ് റജിസ്റ്റർ ചെയ്തിരിക്കുന്നത്. അറുപതു വയസുകാരനായ പാലക്കാട് തൃത്താല കാങ്കുന്നത്ത് മൊയ്‌തീൻകുട്ടി എടപ്പാളിലെ തിയറ്ററിനുള്ളിൽ പത്തുവയസ്സുകാരിയെ പീഡിപ്പിക്കുമ്പോൾ ഇവരും ഒപ്പമുണ്ടായിരുന്നു. അതേസമയം, പീഡനത്തിന് ഇരയായ പെൺകുട്ടിയെ മഞ്ചേരിയിലെ നിർഭയ കേന്ദ്രത്തിലേക്ക് മാറ്റി. സംഭവവുമായി ബന്ധപ്പെട്ട് അറസ്റ്റിലായ മൊയ്‌തീൻകുട്ടിയെ ഇന്ന് പൊന്നാനി കോടതിയിൽ ഹാജരാക്കും. ഇയാളെ സംഭവം നടന്ന എടപ്പാളിലെ തിയറ്ററിലെത്തിച്ച് ഇന്നുതന്നെ തെളിവെടുക്കുകയും ചെയ്യും.അതിനിടെ പീഡനത്തിനെതിരെ വിഡിയോ സഹിതം പരാതി നൽകിയിട്ടും കേസെടുക്കാതിരുന്ന പൊലീസിനെതിരെ രൂക്ഷവിമർശനമാണുയരുന്നത്.
#News60
For More Updates Subscribe & Like News60ML https://goo.gl/VnRyuF https://www.facebook.com/news60ml/
