?Nuk dua mbrojtje falas nga askush. Dua ti shkoj të vërtetës deri në fund. Dua të përballem me të gjithë me kokën lart, në rrugë e politikë? Ish ministri i Brendshëm, aktualisht duputet i PS-se, Saimir Tahiri u shpreh i bindur dhe i vendosur se do i shkojë deri në fund zbardhjes së të vërtetës që fshihet pas autorizimit për arrestimin e tij nga Prokuroria e Krimeve të Rënda. Në një dalje publike Tahiri tha se banda kriminale është amatore krahasuar me atë bandë në politikë që ka gatuar edhe historinë e tij. Tahiri vuri në dispozicion një dokument të Prokurorisë së Katanjës ku thuhet se nuk ka asnjë procedim penal në Itali ndaj tij dhe akuzoi prokurorinë për ndikim politik. Saimir Tahiri: ?Unë ju siguroj se cilado bandë kriminelësh, qoftë, edhe kjo, për të cilën po flasim tani, ngjan tërësisht amatore në krahasim me bandën që ka gatuar të gjithë këtë histori duke hedhur nga zyra partie e redaksi lajmesh bomba për publikun, fijet e të cilave lëvizin ende sot dhe kanë lëvizur institucione të tëra.
Për më shumë lexoni nëhttp://www.oranews.tv/vendi/tahiri-para-gazetareve-sot-ne-1200-pd-iken-nga-komisioni-i-ligjeve/
