'கூட்டாளி' விமர்சனம்- வீடியோ

எஸ்.கே.மதி இயக்கத்தில், 'அழகி' படத்தில் சிறுவயது பார்த்திபனாக நடித்த சதீஷ், கிரிஷா குருப், அப்புக்குட்டி, கல்யாண் மாஸ்டர், அருள்தாஸ் மற்றும் பலர் நடித்திருக்கும் திரைப்படம் 'கூட்டாளி. பிரிட்டோ மைக்கேல் இப்படத்திற்கு இசையமைத்துள்ளார். சென்னையை பின்னணியாகக் கொண்டு இந்தப் படம் உருவாகி இருக்கிறது. 'கூட்டாளி' படம் எப்படி இருக்கிறது? ரசிகர்களைக் கவருமா? நான்கு நண்பர்கள். அவர்களில் ஒருவருக்கு காதல் வருகிறது. சிக்கல்கள் நிறைந்த அவர்களின் வாழ்க்கையில் அந்தக் காதல் என்ன மாதிரியான பிரச்னைகளை ஏற்படுத்துகிறது? அந்தப் பிரச்னைகளில் இருந்து அவர்கள் மீண்டார்களா என்பதுதான் 'கூட்டாளி' படத்தின் கதை. ஹீரோ சதீஷ் மற்றும் அவரது மூன்று நண்பர்களும் மார்வாடி ஒருவரிடம் தவணை கட்டாத கார்களை சீஸ் செய்யும் வேலை செய்து வருகிறார்கள். கவுன்சிலர், ரௌடி என பெரிய பார்ட்டிகளின் கார்கள் என்றாலும் பிசிறு தட்டாமல் தூக்குவதால் இவர்களுக்கு முதலாளியிடம் நல்ல பெயர். ஆனால், இதனாலேயே பலரை எதிரிகளாகச் சம்பாதிக்கும் சூழ்நிலை. சதீஷுக்கு எல்லாமுமாக இருக்கிறார் அருள்தாஸ். இதற்கிடையே சதீஷுக்கு போலீஸ்காரார் கல்யாண் மாஸ்டரின் மகள் மீது காதல் வருகிறது. எதிர்பாராத மோதலில் துவங்கிய இந்தக் காதல் அவர்கள் நண்பர்கள் மத்தியில் என்னென்ன விளைவுகளை ஏற்படுத்துகிறது, கடைசியில் காதலர்கள் இணைந்தார்களா என்பதையும் சொல்லியிருக்கிறது 'கூட்டாளி'.

Koottali movie lead by 'Azhagi' sathish and krisha kurup was directed by S.K.Mathi. Read 'Koottali' movie review here.