Report TV - Nata e tetë e protestës së opozitës, rikthehet qetësia në çadër

Tiranë- Gjatë natës së tetë të protestës është rikthyer qetësia në çadrën përpara Kryeministrisë.

Thirrjet kundra qeverisë u zëvendësuan me lojëra argëtuese e muzikë. Dhjetra mbështetës të moshave të ndryshme, siç edhe në netët e kaluara kanë shtyrë orët duke luajtur me letra, shah e lojëra të tjera zbavitëse.

Ndërkaq në çadër deri në orët e para të mëngjesit ka pasur edhe një numër të madh fëmijësh. Ndërkaq, në orët e para të mëngjesit numri i protestuesve të çadrës u ul ndjeshëm.

Opozita vijon prej nëntë ditësh protestën në përpjekje për të detyruar koalicionin qeverisës të dorëzojë pushtetin dhe t'i hapë rruge krijimit të një qeverie teknike.