Kavajë- Një taksist është rrëmbyer dhe më pas është vrarë duke u qëlluar 8 herë me thikë në trup, ndërsa policia ka arrestuar autorin 24-vjeç nga Gosa, i cili pranoi krimin dhe tregoi vendin ku kishte hedhur trupin.
Viktima është Idriz Karriqi 65-vjeç nga qyteti i Kavajës, ndërsa autori Musa Saraci 24 vjeç, dyshohet përdorues droge.
Sipas policisë, 65-vjeçari në datë 14 rreth orës 10:00 paradite në vendin e quajtur sheshi para spitalit Kavajë ishte prenotuar me taksi, ndërsa pas këtij momenti ka humbur kontaktet me familjaret dhe të afërmit.
Pasi nuk u kthye në banesë, familjarët lajmëruan policinë duke bërë denoncim për zhdukjen e tij, pasi nuk po arrinin që të kontaktonin edhe me telefon.
