Report TV - Vëzhgimi i Report TV, “Spitali Amerikan” “fsheh” procedurat si kryhet dializa
- 8 years ago
Spitali Amerikan fsheh mënyrën dhe procesin se si kryhet dializa për pacientët. Deri në këto momente, sipas hetimeve dyshohet se zjarrëvënia te Spitali Amerikan ka ndodhur për shkak të radhës për të marrë dializë.
Për të mësuar më shumë për këtë procedurë, Report TV u interesua pranë pavionit ku kryhet dializa te Spitali Amerikan 1, por asnjë nga zyrtarët nuk pranoi të japë shpjegim.
Edhe drejtori i spitalit amerikan, Klodjan Allajbeu nuk iu përgjigj telefonatës dhe mesazheve për të mësuar se si funksionon radha për të kryer dializën. Report TV iu drejtua edhe me email zyrtar Spitali Amerikan për të marrë informacion dhe për të lejuar kamerën për të filmuar, por edhe në këtë rast, nuk pati asnjë përgjigje.
Gjatë kohës kur kamera jonë shkoi pranë pavionit ku kryhet hemodializa, rojet e këtij spitali kanë qëndruar pranë, duke mos lejuar filmimet në ambientet e brendshme.
Dy ditë pas tragjedisë, kaosi te Spitali Amerikan vijon ende, ku pacientët dhe familjarët presin në karriget e vendosura në rrugë, ndërkohë që shiringat janë të përhapura kudo.
Megjithatë Report TV u interesua pranë Fondit të Sigurimit të Detyrueshëm të Kujdesit Shëndetësor, që është institucioni që i drejton pacientët te spitali amerikan, pasi ky spital ka fituar koncesionin për kryerjen e hemodializës.
Burime nga ky institucion sqaruan se spitali Amerikan nuk mund të përcaktojë radhë për kryerjen e dializës. Kjo për shkak se është mjeku Myftar Barbullushi i QSUT-së që përcakton prioritetin e çdo pacienti për të kryer dializën.
Ndërkohë burime nga Ministria e Shëndetësisë sqarojnë se Spitali Amerikan ka një protokoll për kryerjen e dializës dhe nuk i lejohet që të përcaktojë radhën sipas dëshirës.
Pacienti duhet të bëjë dializën 13 herë në muaj, që i bie një herë në 2 ditë. Burimet sqaruan se një pjesë e pacientëve e kryejnë dializën, të hënë, të mërkurën dhe të premten, ndërsa pjesa tjetër, të martën, të enjten dhe të shtunën. Kjo radhë sqaruan burimet nuk mund të ndryshohet.
Nëse në ditën që do të kryhet dializa pacientët shkojnë të gjithë që në orët e para të mëngjesit, atëherë Spitali Amerikan është i detyruar ti referohet prioritetit që ka përcaktuar mjeku Myftar Barbullushi.
Ende nuk dihet nëse në rastin e 57-vjecarit Lefter Canajt është abuzuar me radhën e dializës nga Spitali Amerikan apo jo. Ky fakt duhet të zbulohet nga Prokuroria, e cila po kryen hetime.
Për të mësuar më shumë për këtë procedurë, Report TV u interesua pranë pavionit ku kryhet dializa te Spitali Amerikan 1, por asnjë nga zyrtarët nuk pranoi të japë shpjegim.
Edhe drejtori i spitalit amerikan, Klodjan Allajbeu nuk iu përgjigj telefonatës dhe mesazheve për të mësuar se si funksionon radha për të kryer dializën. Report TV iu drejtua edhe me email zyrtar Spitali Amerikan për të marrë informacion dhe për të lejuar kamerën për të filmuar, por edhe në këtë rast, nuk pati asnjë përgjigje.
Gjatë kohës kur kamera jonë shkoi pranë pavionit ku kryhet hemodializa, rojet e këtij spitali kanë qëndruar pranë, duke mos lejuar filmimet në ambientet e brendshme.
Dy ditë pas tragjedisë, kaosi te Spitali Amerikan vijon ende, ku pacientët dhe familjarët presin në karriget e vendosura në rrugë, ndërkohë që shiringat janë të përhapura kudo.
Megjithatë Report TV u interesua pranë Fondit të Sigurimit të Detyrueshëm të Kujdesit Shëndetësor, që është institucioni që i drejton pacientët te spitali amerikan, pasi ky spital ka fituar koncesionin për kryerjen e hemodializës.
Burime nga ky institucion sqaruan se spitali Amerikan nuk mund të përcaktojë radhë për kryerjen e dializës. Kjo për shkak se është mjeku Myftar Barbullushi i QSUT-së që përcakton prioritetin e çdo pacienti për të kryer dializën.
Ndërkohë burime nga Ministria e Shëndetësisë sqarojnë se Spitali Amerikan ka një protokoll për kryerjen e dializës dhe nuk i lejohet që të përcaktojë radhën sipas dëshirës.
Pacienti duhet të bëjë dializën 13 herë në muaj, që i bie një herë në 2 ditë. Burimet sqaruan se një pjesë e pacientëve e kryejnë dializën, të hënë, të mërkurën dhe të premten, ndërsa pjesa tjetër, të martën, të enjten dhe të shtunën. Kjo radhë sqaruan burimet nuk mund të ndryshohet.
Nëse në ditën që do të kryhet dializa pacientët shkojnë të gjithë që në orët e para të mëngjesit, atëherë Spitali Amerikan është i detyruar ti referohet prioritetit që ka përcaktuar mjeku Myftar Barbullushi.
Ende nuk dihet nëse në rastin e 57-vjecarit Lefter Canajt është abuzuar me radhën e dializës nga Spitali Amerikan apo jo. Ky fakt duhet të zbulohet nga Prokuroria, e cila po kryen hetime.