Tre të rinj në Krujë janë arrestuar për mosbindje dhe dhunim të forcave të policisë. Gjatë ditës së djeshme policia ka vënë në pranga: Armando Stafasani 25 vjeç, banues në Fushë-Krujë; Klajdi Stafasani 28 vjeç, banues në Fushë-Krujë; Gentian Albrahimi 21 vjeç, banues në Fushë-Krujë. Policia thotë se tre të rinjtë po lëviznin në qendër Fushë-Krujë me mjetin tip Smart me xhama të zinj që drejtohej nga Klajdi Stafasani. Drejtuesi i mjetit ka qenë tej normave të lejuara të shpejtësisë dhe nuk i është bindur urdhërit të Punonjësve të Policisë që të ndalojnë. Menjëherë efektivat e Policisë i janë vënë në ndjekje, duke bërë të mundur kapjen e tyre. Shtetasi Klajdi Stafasani ka tentuar ta godasë me kaçavidë njërin nga punonjësit e Policisë. Në vijim i kanë kundërshtuar, kanosur dhe goditur me grushta efektivat G.H 35 vjeç banues në Tiranë dhe D.Ç 22 vjeç, banues në Fushë-Krujë. Në cilësinë e provave materiale iu sekuestruan: mjeti tip Smart me targa AA 771 LP; mjeti tip Golf me targa AA 800 NF; një kaçavidë. Policia thotë se shtetasit e mësipërm janë persona me preçedentë penale të mësparshëm në fushën e veprave penale kundër jetës dhe pronës. Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale? Kundërshtimi i punonjësit të policisë së rendit publik ?, ? Goditjet për shkak të detyrës?dhe?Kanosjet për shkak të detyrës? .
Për më shumë lexoni në:http://www.oranews.tv/vendi/xhama-te-zi-dhe-shpejtesi-mbi-norma-grushta-e-kacavida-mbi-policet/
