Tiranë, autobusi përplas fëmijën rom, që banonte në trotuar

TIRANE - Një fëmijë është aksidentuar rëndë sot në hyrje të Tiranë, në udhëkryqin e njohur pranë "Pallatit me shigjeta". Ai i ka prerë rrugën autobusit të Tiranës së Re që shkonte në drejtim të shkollës teknologjike dhe si rrjedhojë e përplasjes, ka pësuar dëmtime në këmbë dhe hemoragji.

Fëmija është çuar me shpejtësi në Spitalin Ushtarak ku i është nënshtruar operacionit. Ndërkohë, policia mbërriti në vendngjarje dhe ka nisur hetimin për aksidentin.