Nu tappeto ‘e fronne;
nu suspiro ‘e luna
miez’’o merletto d’’e stelle
m’abbracciano
dint’all’aria d’’a sera.
Dint’a sti mmane
‘nzerro
Na rosa, rossa,
comme ‘o lenzulo ‘e fuoco
c’ammanta stu silenzio sciso
tra me e te.
E io mò te vurria dì
Rimane ancora
Famme stampà ‘int’’o core
‘st’urdema rosa
‘st’urdema scena
Cu’’o ritratto ‘e te.
Ma tu me guarde…
E ‘nnante a st’uocchie fute,
comme ‘o dulore mio,
resto ‘ncantato.
Po’, senza dirme niente, t’alluntane…
E io nun tengo ‘a forza
‘e te fermà
‘e te piglià p’’a mano
‘e te dicere resta
Nun me lassà accussì’, senza dimane…
Commenti