Hija inizjattiva tal-Kummissjoni Ewropea, bil-għan li tkabbar l-għarfien dwar kwistjoniet marbuta mat-tabakk fost iż-żgħażagħ. Il-"Helpers" hija serje animata ta' 12-il episodju. L-ewwel serje se tintwera' online mill-15 ta' Ottubru 2009. Is-serje tipproponi 3 supereroj li jippruvaw isalvaw lil dawk li jpejpu u dawk li ma jpejpux mill-effetti negattivi tat-tabakk, billi jagħtuhom pariri assurdi. Chuck, Skinny u Loona, flimkien ma' Tapas, bniedem stramb u masokist li ma jridx jitlaqhom waħedhom, jingħaqdu b'saħħa waħda fit-tajjeb u fil-ħażin. Jekk tixtieq tkun taf aktar dwar din is-serje u tivvota għas-suġġeriment li għandhom jużaw il-Helpers fl-episodju li jmiss, mur fuq: http://www.helpers-eu.com