Antone Ciosi - Antisanti

Lamentu scherzosu nant'à a morte d'un cane, cantata da Antone Ciosi. Parolle è musica tradiziunali.

Cullendu per Antisanti
Per andane à li Prunelli
O quantu chì mi pregonu
Un vechju cun trè zitelli
S'eo li dava lu mio cane
Mi davanu trenta agnelli.

Un pastore venachese
Di nome chjamatu Ceccu
Un omu di meza taglia
Camulatu è facci seccu
Mi dava per lu mio cane
Trentasei capre è un beccu.

Cullendu per Antisanti
A cosa hè certa è sigura
U pustiglione di posta
Pigliò subitu primura
Mi dava per lu mio cane
Trè cavalli è una vittura.

À mè le feste di Pasqua,
Mi tocca à passalle in dolu,
A morte di lu mio cane
Mi costa quant'è un figliolu
L'avia avutu per impegnu
Da lu merre di Niolu.