VALLËZIMI QË PËRÇON DHIMBJEN E BULLIZMIT, NXËNËSIT NË GOSTIVAR ME MESAZH TË FORTË KUNDËR DHUNËS

Nxënësit e Gostivarit dhe Shkupit me mesazh të fuqishëm: Stop dhunës në shkolla!
më parë 21 hours 5 2 minutes read
Facebook X LinkedIn Pinterest

Me kërkesë të Ambasadës së Parë të Fëmijëve në Botë “MEGJASHI”, përfaqësues të kësaj organizate dhe nxënës të shkollave të mesme u pritën sot në Komunën e Gostivarit. Takimi pati për qëllim promovimin e paqes, mosdhunës dhe inkurajimin e pjesëmarrjes aktive të të rinjve në parandalimin e dhunës ndërmjet bashkëmoshatarëve. Në kuadër të këtij aktiviteti u prezantua shfaqja e teatrit të kërcimit për ndryshime sociale, ku marrin pjesë nxënës nga SHMM “Gostivar” dhe SHMM “Josip Broz Tito” nga Shkupi. Përmes artit, të rinjtë përçuan mesazhe të fuqishme mbi rëndësinë e solidaritetit dhe përgjegjësisë kolektive. Gjatë takimit, kryetari i Komunës së Gostivarit, Valbon Limani, vlerësoi lart rëndësinë e iniciativave të tilla.



Valbon Limani – Kryetar i Komunës së Gostivarit”Komuna e Gostivarit e vlerëson rëndësinë e iniciativave që përmes artit, kulturës dhe përfshirjes së të rinjve kontribuojnë në zhvillimin e vetëdijes shoqërore dhe në parandalimin e dukurive negative në shoqëri. Përmes aktiviteteve të tilla, synohet të përcillet mesazhi se dhuna nuk duhet të normalizohet, ndërsa respekti, mirëkuptimi dhe mbështetja e ndërsjellë janë vlera themelore për ndërtimin e një shoqërie më të shëndetshme. Komuna e Gostivarit mbetet e përkushtuar për të nxitur iniciativa që promovojnë mirëqenien e të rinjve, barazinë dhe bashkëjetesën në komunitet.



Projekti për edukim për paqe po shënon rezultate konkrete në shkolla gjatë viteve të fundit. Përfaqësuesja e Gjimnazit të Gostivarit theksoi se ky program ka ndikuar drejtpërdrejt në uljen e rasteve të dhunës dhe në rritjen e ndërgjegjësimit te nxënësit.

Përfaqësuese e Gjimnazit të Gostivarit: “Gjimnazi ynë është i përfshirë në projektin për edukim për paqe që nga viti 2011, ndërsa këtë vit shënuam 15 vjetorin e ekzistencës së këtij projekti. Në këto 15 vite të kaluara kemi pas nesh shumë projekte dhe shumë punëtori, dhe mund të thuhet se kemi arritur të ulet dhuna në shkolla, të sensibilizohen nxënësit se çfarë është dhuna, si dhe të ndërtohet një mjedis shkollor i sigurt dhe gjithëpërfshirës ku do të mbizotërojë respekti, mbështetja, komunikimi jodhunues dhe empatia mes nxënësve.”



Për vetë nxënësit pjesëmarrës, përdorimi i vallëzimit dhe teatrit si mjet shprehës u mundëson atyre të pasqyrojnë realitetin me të cilin përballen çdo ditë në ambientet shkollore.

Nxënëse pjesëmarrëse në projekt: “Ne zgjodhëm teatrin e kërcimit si një mënyrë të fuqishme për të paraqitur në një histori reale dhunën mes moshatarëve, e cila është shumë e përhapur në shkollat e mesme në Maqedoni. Mendojmë se përmes teatrit të kërcimit dhe përmes shoqatës ‘Megjashi’, do t’i nxisim të gjithë nxënësit që të vetëdijësohen dhe ta kuptojnë më mirë dhunën mes moshatarëve, si dhe të mendojnë se si ndihet viktima e cila është në atë pozitë dhe sa është në të vërtetë keq të jesh ngacmues apo dhunues.