परमेश्वर स्तोत्रम् | Parmeshwar Stotram | जगदीश सुधीश भवेश विभो #parmeshwar

परमेश्वर स्तोत्रम् | Parmeshwar Stotram | जगदीश सुधीश भवेश विभो #parmeshwar @Mere Krishna

#parmeshwar #parmeshwarstotra #परमेश्वर #जगदीश #शिव #shiv #shiva

परमेश्वरस्तोत्रम्

जगदीश सुधीश भवेश विभो
परमेश परात्पर पूत पितः ।
प्रणतं पतितं हतबुद्धिबलं
जनतारण तारय तापितकम् ॥ १॥

गुणहीनसुदीनमलीनमतिं
त्वयि पातरि दातरि चापरतिम् ।
तमसा रजसावृतवृत्तिमिमं
जनतारण तारय तापितकम् ॥ २॥

मम जीवनमीनमिमं पतितं
मरुघोरभुवीह सुवीहमहो ।
करुणाब्धिचलोमिर्जलानयनं
जनतारण तारय तापितकम् ॥ ३॥

भववारण कारण कर्मततौ
भवसिन्धुजले शिव मग्नमतः ।
करुणाञ्च समर्प्य तरिं त्वरितं
जनतारण तारय तापितकम् ॥ ४॥

अतिनाश्य जनुर्मम पुण्यरुचे
दुरितौघभरैः परिपूर्णभुवः ।
सुजघण्यमगण्यमपुण्यरुचिं
जनतारण तारय तापितकम् ॥ ५॥

भवकारक नारकहारक हे
भवतारक पातकदारक हे ।
हर शङ्कर किङ्करकर्मचयं
जनतारण तारय तापितकम् ॥ ६॥

तृषितञ्चरमस्मि सुधां हित मे-
ऽच्युत चिन्मय देहि वदान्यवर ।
अतिमोहवशेन विनष्टकृतं
जनतारण तारय तापितकम् ॥ ७॥

प्रणमामि नमामि नमामि भवं
भवजन्मकृतिप्रणिषूदनकम् ।
गुणहीनमनन्तमितं शरणं
जनतारण तारय तापितकम् ॥ ८॥

इति परमेश्वरस्तोत्रं सम्पूर्णम्