పెచ్చులూడిన గదులు - నాచుపట్టిన గోడలు

School Problems in Sangareddy District : సంగారెడ్డి జిల్లా ఇస్మాయిల్‌ఖాన్‌పేట్‌లోని ప్రాథమిక పాఠశాల పూర్తిగా శిథిలావస్థకు చేరుకుంది. మెుత్తం ఐదు గదులుండగా వాటిలో ఒక గది మాత్రమే కొంత మేర బాగుంది. మిగిలిన గదులు పూర్తిగా గోడలు బీటలువారి పెచ్చులూడి పడుతున్నాయి. వర్షం పడినప్పుడు వాటిలోనించి వాననీరు తరగతి గదుల్లోకి వస్తోంది. బ్లాక్‌ బోర్డులు మసకబారిపోయాయి. గోడలు నాచుపట్టిపోయి మురికి వాడను తలపిస్తోంది. ఎప్పుడు కూలుతుందో తెలియని పరిస్థితి నెలకొంది. దీంతో ఉపాధ్యాయులు గదులకు తాళాలు వేయించారు. ప్రత్యామ్నయ మార్గం చూపితేనే ఈ విద్యాసంవత్సరం విద్యార్థుల చదువు సజావుగా సాగుతుంది.