મલ્લિકાર્જુન ખડગેની હાજરીમાં ડૉ.જયનારાયણ વ્યાસ કોંગ્રેસમાં જોડાયા

ગુજરાત વિધાનસભા ચૂંટણીના પહેલા તબક્કાના મતદાન આડે માત્ર ચાર દિવસ બાકી રહ્યા છે. ત્યારે ચૂંટણીને લઈને રાજકીય ગરમાવો આવી ગયો છે. હાલ ગુજરાતની રાજનીતિમાં વળાંક આવી રહ્યા છે. કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેની હાજરીમાં દિગ્ગજ નેતા ડૉ.જયનારાયણ વ્યાસ કોંગ્રેસમાં જોડાયા. ભાજપથી નારાજ જયનારાયણ વ્યાસે થોડાંક દિવસ પહેલાં જ ભાજપના તમામ હોદ્દા પરથી રાજીનામું આપી દીધું હતું.