नाशिक(Nashik) : गणितचा विषय निघाला की विद्यार्थी काहीसा धसकाच घेतात. पण निमिशार्धात गुणाकार, भागाकार, बेरीज, वजाबाकीसह कठीणात कठीण प्रश्‍न सोडवतांना नाशिकच्‍या आर्यन नितीन शुक्ल(aryan Shukla) याने जागतिक स्‍तरावर आपली छाप सोडली आहे. माईंड स्‍पोर्टस्‌ ऑलिम्‍पियाड (लंडन, युके) यांनी आयोजित केलेल्‍या मेंटल कॅल्क्युलेशन वर्ल्ड चॅम्‍पियनशिप स्‍पर्धेत विजेतेपदासह सुवर्णपदकावर आपले नाव कोरले आहे. अकराव्‍या वर्षी ही कामगिरी करतांना, स्‍‍पर्धेच्‍या पंचवीस वर्षांच्‍या इतिहासात सर्वात लहान वयाचा विश्वविजेता होण्याचा विक्रम त्‍याने नोंदविला आहे.
जागतिक स्‍तरावरील या स्‍पर्धेत १२० हून अधिक स्‍पर्धकांनी सहभाग नोंदविला होता. पात्रता फेरीत ४३६ पैकी ४१८ गुण मिळवितांना आर्यनने प्रथम क्रमांक पटकावतांना उपांत्‍य फेरीत धडक घेतली होती. उपांत्‍य फेरीत पात्र झालल्‍या ३२ स्‍पर्धकांची तीन गटांमध्ये विभागणी करण्यात आली होती. या स्‍पर्धकांना बौद्धिक गणिताचे विविध प्रश्‍न विचारले गेल्‍याने त्‍यांचे कसब पणाला लागले होते. या स्‍पर्धकांमधून अवघ्या चार स्‍पर्धकांनी अंतीम फेरीत सहभागाची संधी मिळाली. आर्यनने त्‍याच्‍या गटात प्रथम क्रमांक राखतांना अंतीम फेरीत जोरदार धडक घेत विजेतेपदावर आपली दावेदारी सादर केली.
(व्हिडिओ - केशव मते)
#aryanshukla #nashik #aryanshuklanashik #mentalcalculationworldchampionship
#london #uk #aryanshuklanashikcity
