सांगली - सायकल ते दुचाकी, चारचाकी ते पुन्हा सायकल, असे चक्र सध्या पाहायला मिळू लागलेय. व्यायामाच्या ओढीने अनेकांनी सायकलचे पॅडल पुन्हा मारण्यास सुरवात केलीय. शहरांसह ग्रामीण भागात सायकलिंगचे ग्रुप बनत आहेत. विशेष म्हणजे कोरोनाच्या पार्श्वभूमीवर सुरू असलेल्या 'लॉकडाउन' काळात मोठ्या प्रमाणात सायकलींची विक्री झाली. लॉकडाउनमुळे घरी बसून निर्माण होणारी स्थूलता टाळण्यासाठी अनेकांनी महागड्या सायकली विकत घेतल्यात. लॉकडाउनमध्ये सांगलीतील मोकळे रस्ते म्हणजे सायकल ट्रॅकच बनल्याचे चित्र होते. येथे सायकलच्या घंटीची 'ट्रिंग..ट्रिंग' ऐकू येत आहे. आजच्या सायकल डे निमित्त शिवछत्रपती पुरस्कार विजेते राष्ट्रीय सायकल पटू हुसेन कोरबु यांची घेतलेली ही विशेष मुलाखत...
Comments