طلال مداح / قلت المطر / مسرح التلفزيون

قلت المطر
كلمات : بدر بن عبدالمحسن
لحن : طلال مداح

قلت المطر قالت من الـيوم ديمة
ما به رعد لا برق ماغير هــتان
عشق جمع ما بين قـاع وغيمة
سيّل علي صدر الثرى دمع الامزان

همس النديم اللي يـعاتب نديمه
صوت المطر كنه تعاتيب خلان
تبسمت لاجل الليالي القديمة
وقالت تذكر قلت يابنت نسيان

نقض الجروح اللي تشافت ظليمة
ما عاد به وصل ولا عاد هجران
ما للرجا في بعض الاحوال قيمة
و ما للعمى صبح ولو بات سهران

لو للزمن عن نية الغدر شيمة
ما فرق احباب ولا بعد اوطان
لاشك وينك يالقلوب السليمة
اللي تجازى عن خطا الخل غفران

كلن خصيم وذاق لوعة خصيمه
واللي خصيم الوقت يا بنت خسران
قلت المطر قالت من اليوم ديمة
ما به رعد لا برق ماغير هتان