Facebook u ka dhënë mundësinë përdoruesve të tij, por edhe të filialit Instagram të heqin ose bllokojnë reklamat politike në rrjetet sociale. Lajmi është bërë i ditur nga vetë themeluesi i tyre Mark Zuckerberg për USA Today, në kuadër edhe të zgjedhjeve presidenciale që mbahen këtë vit në Shtetet e Bashkuara. Nëse reklamat do të vijojnë të shfaqen, përdoruesit do të kenë edhe mundësinë e raportimit. Kjo alternativë do të vihet në dispozicion për të gjithë përdoruesit amerikanë të platformave gjatë javëve të ardhshme, ndërsa për vendet e tjera do të hyjë në fuqi vjeshtën e këtij viti. Facebook është përballur me kritika të forta për lejimin e reklamave nga politikanë, organizata, parti etj, ku në shumë raste bëhen edhe burim i përçimit të informacioneve të rreme, të njohura si "Fake News". Twitter, rivali i madh i Zuckerberg, ndaloi reklamat politike Tetorin e kaluar dhe së fundmi fshiu nga platforma mesazhet e presidentit Trump në lidhje me protestat për afroamerikanin George Floyd. Zuckerberg u bëri thirrje të gjithëve të votojnë në zgjedhjet e ardhshme, si zëri i vetëm më i fuqishëm i demokracisë dhe mënyra e vetme për adresimin e çështjeve themelore të vendit. Tv Klan
SUBSCRIBE to ?RTV KLAN? on YouTube for more videos!
Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow rtvklan on Instagram: https://www.instagram.com/rtvklan/ Programet e Tv Klan mund t?i ndiqni edhe në faqen https://tvklan.al/programe/
