I kërkoi 10 mijë euro, kërcënohet biznesmeni në Bulqizë, autori qëllon me automatik në ajër

Një biznesmen ndërtimi në Bulqizë ka denoncuar në polici se është kërcënuar nga një person për vënie gjobe. Ngjarja ka ndodhur rreth orës 18:15, ndërsa burime për Report Tv bëjnë të ditur se bëhet fjalë për biznesmenin Gëzim Balla, i cili është kërcënuar për një shumë prej 10 mijë eurosh. Po nga burimet mësohet se personi që ka kërcënuar biznesmenin është shtetasi Feruzan Shehu, i cili është në kërkim nga policia.

Në polici, Gëzim Balla ka deklaruar se është telefonuar dhe kërcënuar për vënie gjobë pikërisht nga Feruzan Shehu, i cili për ta trembur kishte qëlluar edhe në ajër me armë zjarri. Në vendin e ngjarjes janë gjetur edhe 5 gëzhoja automatiku.