23 përfaqësi diplomatike, ende pa ambasadorë

23 ambasada të Maqedonisë së Veriut në botë vazhdojnë të mbeten pa ambasadorë. Ministri i Jashtëm, Nikolla Dimitrov dhe Presidenti i vendit, Stevo Pendarovski po vazhdojnë konsultimet për emërimin si ambasadorë të 19 diplomatëve të karrierës. Nga Ministria e Jashtme për Alsat informojnë se procesi është në fazë finale dhe se pasi të zgjedhen opsionet më të mira, do të ndërmerren të gjitha aktivitetet e parashikuara me ligj për përmbylljen e procesit.